رَحَلتْ .. وعِقبكْ الدنيا غلاها طاح مِنْ عينـي

هايو
كيفكم ان شاء الله بوخير
جبت لكم قصيده روعه
ان شاء الله تعجبكم

قراءه ممتعه ...

تِصَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني
حبيبي ما بُقى عِندي صَبرْ .. يتْحَمَّلْ التأخيـر
رَحَلتْ .. وعِقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر
وأنا لا خِير بغيابكْ .. ولا حَاجَـه .. تهنينـي

على طاريكْ كِلْ لحظه .. ولا أحتـاج للتذكيـر
حَريصْ القلب ما ينسَى عيونِكْ , لا توصينـي

مَحَدْ يِقْدَر يعَوِّضْنِي لأنِّكْ .. في عيُوني غيـر
ومَهْمَا شِفتْ أنا الفرحَه .. بدونِكْ ما تسلينـي

أنا خِنتِكْ .. وهالغلطه حبيبي ما لَهَـا تبريـر
علاقة حُبْ مَجْنُونَه .. ما بينْ أحزاني وبينـي

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر
أحَاولْ أبْتِسِمْ وأنْسَى ولكنْ وشْ ينسينـي..؟!

أشُوفِكْ في صباحي إنتْ مَعْنَى يا صباح الخيـر
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَـا تدبيـر
طِلَبتْ النُومْ .. لحظاته وعيَّى النُـوم يعطينـي

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفينـي

يا أغلى مِنْ رَحَل عنِّي يا كِلْ الحُبْ والتقديـر
تعَالْ: إنْ كان لِي عِندِكْ مَعَزَّه وكـان تغلينـي

تعَالْ: إنْ كِنتْ تعشقني وإذا تبي لي فِعلاًخيـر
تعَالْ: ومِدْ لِي .. كَفْ الوَصِلْ .. وآمِدْ كَفينـي

إذا كانْ الجِفا واجِبْ بدى مِنْ قلبـي التقصيـر
أبيكْ الحِينْ .. تِرجَعْ لِي ولا تِرجَـعْ تخلينـي

أنا ما أقولْ اللِّي صَار فِيني ما هقيتـه يصيـر
لأنِّي كِنتْ .. ( مِتأكِدْ ) .. بأنْ البُعـد ينهينـي

للشـــــاعر / أحمــد الصـــانع ،،

غاليتي عيون القمر
جميعا يعرف الحب ومرارته وألالامه..
ورغم ذلك ..!! نخوض فيه ونحب أن نحياه ..
ومع ذلك أبضا .. نتذكر أيامه الجميلة ونمتدحها كثيراً
ولانشعر بحلاوة الحياة دونه ..

اختي الكريمة حياتنا تماما كالفصول الآربعة ..
لابد أن نعيشها كماهي .. من ألالام وسعادة وجرح وفراق ..
للأسف اصبحت حياتنا خالية من معاني إنسانية كثيرة ..
لم يتبقى منها سوى القشور .. .. فتنجلي الشمس ..
و يحل الظلام مكانها ..
.. بالتزامن مع المصالح الشخصية البحتة ....
فالآمر لم يعد يقتصر فقط على الاحباء ..
بل أصبح للاصدقاء نفس الطريق ..

دمت بكل الود والسعادة

يعطيك ألف عافية عيونه على القصيدة الروعه

يسلموووووا إيديكي على النقل

تقبلي مروري حبيبتي

ورد

يسلموا يالغالين على المرور

عيون القمر

مشكورة اختي الغالية عيون القمر

الله يعطيك العافية

تقبلي مروري

الله يعافيك اخوي
سرني مرورك