ياللي خذيت القلب في ظرف لحظات..
ياللي سكنت بداخلي في ثواني..
من يوم شفــتك رحـت بـي للمسرات
خذيتني في حبــك لجــو ثــانى
جـو المحــبة والوفــاء والمصافاة
وابـــعدت عني كل قــيد طــوانى
علمتني كيف أعشقك موت بسكات
كيف اوصل لقلبك وأنا في مكاني
لملمتني بشويش من بين الآهات
داويت قلب كان قبلــك يعــاني
أعطيتني يمناك رغم المسافات
زرعت بي حب الأمــل والأمــاني
لا قلت: بشكي
قلت لي: ياالغلا هات
باخذ همومك وأحضنك في حناني
أنت الحنان أصلاً" خذا منك عادات
وأنت الحلا له في صفاتك مواني
نبرات صوتك غيرت كل مافات
(بالوشوشه) مثل النغم والأغاني
مقدارك أكبر من جميع العبارات
والمعذرة كان الخطا من لساني
(بقلمي)
الثلاثاء يوليو 15, 2008 9:04 pm